Xitay da'irilirining 2017-yili qaranchuqsiz "Balilar we yashan'ghanlar" ni bir terep qilish heqqide höjjet chüshürgenliki ashkarlandi

Muxbirimiz erkin
2021-05-28
Share

Xitay da'irilirining 2017-yili Uyghur élida chong tutqun bashlinish bilen teng höjjet chüshürüp, qaranchuqsiz qalghan "Yashan'ghanlar we balilar" mesilisini hel qilishni telep qilghanliqi ashkarlandi. "Aqsu géziti" ning xewer qilishiche, bu höjjet 2017-yilining bashlirida Uyghur aptonom rayonliq hökümet teripidin chüshürilgen bolup, höjette qaranchuqsiz qalghan "Yashan'ghanlar we yitim balilar" mesilisini "Qosh merkezleshtürush" ni yolgha qoyush arqiliq hel qilish telep qilin'ghan ‍iken.

2017-Yili bashlan'ghan chong tutqunda rayonda milyonlighan Uyghur we bashqa türkiy ‍az sanliq milletler tutqun qilinip, lagérlargha qamalghan. Bezi a'ililerdin ‍er-ayal biraqla tutqun qilinip, on minglighan nariside balilar we perzentlirining kütüshige éhtiyajliq yashan'ghanlar qaranchuqsiz qalghan. Da'iriler qaranchuqsiz qalghan balilar we yashan'ghanlarni "Yataqliq mektepler" namidiki balilar lagérlirigha we atalmish sanatoriyelerge yighiwalghan. Buning bilen nurghun Uyghur a'ililer weyran bolghan. Xelq'ara mutexesissler xitayning a'ililerni weyran qilip, balilarni a'ilisidin ayriwétish herkitining "Irqiy qirghinchiliq" teshkil qilidighanliqini ilgiri sürgen.

"Aqsu géziti" ning bildürishiche, nöwette aqsu wilayiti Uyghur aptonom rayonluq hökümetning "Yashan'ghanlarni merkezlik kütüsh we yitim balilarni merkezlik béqish tüzümini omumyüzlik ornitishni yolgha qoyush toghrisidiki pikiri" namliq höjjitini toluq emeliyleshtürüp, yashan'ghanlarni kütüshni 100 pirsentke, yitim balilarni béqishni 100 pirsentke yetküzgenliki, "Yashan'ghanlar we balilar" mesilisini "Ünümlük hel qilghan" liqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet