11 Ösmürning jénigha zamin bolghan qatnash qazasi qesten chiqirilghan iken

Muxbirimiz jüme
2017-06-03
Share

Xitay axbaratlirining xewer qilishiche, 11 ösmürning jénigha zamin bolghan qatnash qazasi qesten chiqirilghan iken.

Shinxu'a axbaratining jüme kündiki xewirige qarighanda, aptobus shopuri ma'ashining késilishi we artuq ishlesh waqti qatarliqlargha naraziliq bildürüsh üchün aptobusqa qesten ot qoyghan.

Netijide 5 neper koréyelik ösmürni öz ichige alghan 11 ösmür otta köyüp ölgen. Bu ösmürlerning oqutquchisi we shopurmu jénidin ayrilghan.

Weqe xitayning shendung ölkiside yüz bergen.

Xewerge qarighanda, qazagha uchrighan ösmürlerning yéshi 3 yashtin 6 yashqiche bolup, ular eyni chaghda wéyxey shehiridiki bir xelq'araliq yeslige élip méngilghan iken.

Halbuki xitay axbaratlirida hazirghiche eyni chaghda aptobusta jem'iy qanche adem barliqi, bularning qanchisi qazagha uchrap, yene qanchisining saq qalghanliqi we bularning kimlikige da'ir uchurlarni ashkarilanmidi.

Xewerlerge qarighanda, xitay qatnash hadisiliri eng köp yüz béridighan döletlerning biri bolsimu, qatnash qazasigha da'ir uchurlarni da'im mexpiy tutidiken.

Halbuki, 2013-yildiki bir sanliq melumatqa qarighanda, xitayda shu yili 250 mingdek adem qatnash qazasida jénidin ayrilghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet