Uyghur diyarida “Qattiq basturush” ning dawam qilidighanliqi dawrang qilinmaqta
Xitay hökümitining Uyghurlarni basturush herikiti xelq'arada qattiq ghulghula qozghawatqanda xitay hökümiti bu heriketni “Boshashmastin dawam qilduridighanliqi” ni bildürgen. “Shinjang géziti” ning 30-öktebirdiki sanida bérilgen bu heqtiki xewerde bu hal alahide gewdilendürülgen.
Xewerde éytilishiche, 29-öktebir échilghan “Muqimliq xizmiti we qara küchlerni tazilash yighini” da térrorluqqa qarshi turush we muqimliq xizmitini qara küchlerni tazilash xizmiti bilen birleshtürüsh telep qilin'ghan. Shuningdek atalmish “Üch xil küchler” bashchiliqidiki “Qara küchlerni qet'iy süpürüp tashlash” kürishini qet'iy dawamlashturush tekitlen'gen. Shuningdek “Tughqan bolush” siyasitini dawamlashturush, dinni xitaychilashturushta ching turush telep qilin'ghan.
Melum bolushiche, “Qara küchler” dégende ilgiriki waqitlarda qara jem'iyet tüsini alghan jinayet guruhi közde tutulup kelgen iken. Emdi bolsa “Üch xil küchler” ning bu katégoriyege mensup qilinishini bir qisim analizchilar “Uyghurlardiki herqandaq milliy alahidilik ‛térrorluq we esebiylik‚ dep qariliwatqanda bu sho'arning otturigha qoyulushi Uyghurlarning téximu éghir basturushqa duch kélishidin bésharet béridu” déyishmekte.
- Lagér ayrighan ana-balining “Elley naxshisi” yaponiyede yangridi
- Shiwét missiyonérlirining sherqiy türkistandin ayrilishi
- Biryussélda xitayning “Uyghur mejburiy emgiki” ge qarshi chuqanlar
- Yüzlerche Uyghurlar jenwediki b d t binasi aldida namayish élip bardi
- “Qeshqer konasheher höjjiti” Uyghurlargha qaritilghan tutqunning kölimini yene bir qétim ashkarilidi
