Muqimliq xizmetlirini orunlashturush yighinida qattiq zerbe bérish tekitlendi

Muxbirimiz ümidwar
2017-03-01
Élxet
Pikir
Hembehr
Print
  • Print
  • Hembehr
  • Pikir
  • Élxet

27-Féwral küni we ötken hepte ürümchi qatarliq jaylarda keng kölemlik térrorluqqa qarshi qesemyad we herbiy heywe körsitish pa'aliyetliri ötküzülgendin kéyin, 28-féwral küni uyghur aptonom rayonluq kommunistik partiye komitéti ürümchide kéngeytilgen yighin chaqirip, nöwettiki muqimliqqa a'it xizmetlerni orunlashturush élip barghan.

Tengritagh torining xewiridin melum bolushiche, uyghur aptonom rayoni partkom sékrétari chén chüen'go riyasetchilik qilghan bu yighinda bir qatar orunlashturushlar élip bérilghan bolup, asasliq nishan bu yil échilidighan xitay kompartiyisining 19-qurultiyini yaxshi netijiler bilen kütüwélishqa qaritilghan.

Xewerde ilgiri sürülüshiche, mezkur muqimliq xizmet orunlashturushlirida "qattiq zerbe bérish we yuqiri bésim pozitsiyiside bashtin ‏-axiri ching turush" tekitlinip,"térrorluq we zorawanliqqa zerbe bérish"ning üch xil shekli, yeni "éniq ölchem bilen zerbe bérish", "tar‏-mar qilish xaraktérlik zerbe bérish", "gumran qilish xaraktérlik zerbe bérish" körsitilgen.

Melumki, ilgiridin tartip qattiq zerbe bérish, "bash kötürgen haman zerbe bérish", "bix halitide yoqitish"dégendek zerbe bérish sho'arliri izchil tekitlinip kélin'gen idi. Yighinda milletler ittipaqliqi teshwiqati we terbiyisi pa'aliyetlirini élip bérish, üch yilliq qosh tilliq yesli ma'aripini omumlashturush, diniy esebiy idiyilerning singip kirishini cheklesh, wetenperwer diniy zatlarni terbiyilesh hem qoghdash we bashqilar tekitlen'gen.

Dunya uyghur qurultiyi we bashqa uyghur teshkilatlirining bildürüshiche, uyghur aptonom rayon da'iriliri buninggha oxshash yighinlarda qattiq zerbe bérish bilen milletler ittipaqliqini yaxshilashni izchil tekitlep kéliwatqan bolsimu, emma xitay hökümiti özi étirap qilghan uyghurlarning aptonomiye hoquqlirini kücheytishni tekitligini we emeliyette körsetkini yoq, uyghurlargha özini özi idare qilish hoquqi bérishni xalimaydu, naraziliq bildürgüchilerni bolsa zerbe bérish nishani qilip kelmekte.

Toluq bet