Wiyétnamdin qayturulghan ayshemgül abdullaningmu iz-dériki a'ilisige melum emes

Tünügün muxbirimizning 2014-yili wiyétnamdin qayturulghan rizwan'gül tursunning iz-dérikini éniqlishi dawamida, rizwan'gül bilen birlikte qayturulghan 4 ayaldin birining ayshemgül abdulla ikenliki, uningmu aqiwitining ta bügün'ge qeder a'ilisige namelum ikenliki ashkarilandi.

Ahalilerdin birining ashkarilishiche, ayshemgül abdulla qaghiliqning shaxap yéza tügmenbéshi kentidin bolup, dadisi abdulla sayit, köp heriket qilip baqqan bolsimu qizi heqqide héchqandaq uchur alalmighan.

U peqet qizining wiyétnam chégrasida tutulghanliqini küy'oghlining ata-anisidin uqqan؛ emma hökümet tereptin héchqandaq bir resmiy uqturush tapshuruwalmighan.

Yene shu ahalining déyishiche, abdulla sayit yéqinqi mezgillerdin buyan qolum-qoshnilirining ayshemgülning iz-dériki heqqide sorighan herqandaq so'aligha jawab bermes boluwalghan. Ayshemgül bilen teng chégradin qayturulghan rizwan'gül semetning dadisi tursunjan semetning bayan qilishiche, qaghiliqning nöwettiki weziyitide abdulla sayitning, qizining iz-dérikini sürüshte qilip saqchi orunlirigha bérishimu mumkinsiz iken.