Qazaqistanda turushluq bir Uyghur xitaygha qayturulush xewpige duch kelgen

Muxbirimiz erkin
2021-11-12
Share

Qazaqistanning pawlodar shehiride turushluq bir Uyghur qazaqistan köchmenler da'irilirining uning qazaqistanda turush ruxsetnamisini bikar qilishi seweblik xitaygha qayturulush xewpige duch kelgen. “Azatliq radiyosi” ning xewer qilishiche, pawlodar shehridiki rayunluq köchmenler saqchsisi bu Uyghurning qazaqistanda turush ruxsetnamisining qanunsiz tarqitilghanliqi, uning bikar qilinishi kéreklikini éytqan.

Isma'il obulqasim isimlik bu Uyghurning adwokati almagül bahralinowa rayonliq köchmenler saqchisining 10-noyabir küni isma'il obulqasimning pasporti bilen qazaqistanda turush ruxsetnamisini élip ketkenliki, tekshürgüchilerning arqidin uninggha xet yézip, nursultan köchmenler idarisining bu ruxsetnamisi isma'il obulqasimgha qanunsiz tarqitilghanliqi, uning bikar qilinishi kéreklikini bildürgen. Bu, ili tewesidin qazaqistan'gha kélip panahlan'ghan kishilerning tunji qétim bundaq tehditke uchrishi emes.

Qazaqistan da'iriliri burunmu Uyghur élidin qéchip kélip panahliq sorighan puqralargha bundaq tosqunliqlarda bolghan. Adwokat almagül bahralinowaning “Azatliq radiyosi” gha éytishiche, qazaqistanda qanunluq olturaqlashqan birsining ruxsetnamisini bikar qilish üchün, muwapiq yekün chiqirish hemde höjjetni emeldin qaldurush toghrisida qarar chiqirish kérek iken. Biraq u köchmenler saqchilirining “Siz bu so'alni nursultandin sorang, biz peqet ruxsetnamini qayturuwélishimiz kérek,” dégenlikini bildürgen. Melum bolushiche, qazaqistan saqchi da'iriliri isma'il obulqasimning xitaygha qaytish üchün bir ayliq möhlet bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet