Qazaqistan bixeterlik da'iriliri almata shehiri etrapida 15 ademni qolgha aldi

Muxbirimiz ümidwar
2017-02-12
Share


Qazaqistan milliy bixeterlik komitéti we ichki ishlar ministirliqliri birlikte heriket qilip, 13-yanwardin 24-yanwarghiche bolghan ariliqta almata shehiri we almata oblastida mexsus heriket élip bérip, 15 gumanliq kishini tutqun qilghanliqini ashkarilighan.

Azadliq radi'osining 11-féwral xewer qilishiche, qazaqistan milliy bixeterlik idarisi bu tutqun qilin'ghanlarning"Térrorluq teshwiqati qilish, térrorluq pa'aliyetlirini teyyarlash we qatnishishqa urunush" shuningdek yene "Dini düshmenlik peyda qilghanliqi we qanunsiz qoral saqlighanliqi" qatarliq qilmishlar bilen eyiblen'genlikini bildürgen.

Da'iriler yene bu ademlerdin qoral we dini teshwiqat matériyallirini qolgha chüshürgenlikini ashkarilighan.

Biraq, xewerde mezkur tutqun qilin'ghanlarning millet terkibi we qandaq birer guruppigha mensupluqi heqqide héchnéme déyilmigen.

Köpinche mutexessislerning qarishiche, yéqinqi on yillardin buyan qazaqistan ahalisi arisida islam diniy étiqadi téz sür'ette küchiyishke bashlighan. Emma, sabiq sowét dewride bu dölette qattiq até'izm terbiyesi élip bérilip, musulman ahaliliri özlirining normal étiqadidin asasen ayrilip qalghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet