Қазақистан латинчиға көчүштә түрк һәрплирини қоллиниши мумкин

Мухбиримиз үмидвар
2017-07-30
Share

Қазақистан президенти нурсултан назарбайеф йеқинда қазақистанниң кирил йезиқи, йәни рус йезиқини пүтүнләй бикар қилип, латин йезиқи қоллинидиғанлиқини җакарлиған иди. Нөвәттә, қазақистанниң латин йезиқи қолланса, қайси шәкилдики латин йезиқ нусхисини ишлитиши мәсилиси һәққидә түрлүк қияслар давамлишиватқан болуп, йеқинда қазақистан маарип министири ерлан сагадийев 2017-йилиниң ахириғичә қазақистандики мәхсус латин елипбәсини бекитиш комитетиниң қазақлар үчүн әң мувапиқ бир латин елипбә нусхисини бекитип чиқидиғанлиқини билдүргән.

Көзәткүчиләрниң қаришичә, қазақистанниң латин елипбәси түзүши үчүн бир қанчә хил вариянт бар болуп, қазақлар өзлириму өткән әсирниң 30-40-йиллири арисида латин һәрпи ишләткән иди.

Москвада чиқидиған "мустәқиллиқ гезити" дә елан қилинған "түрк елипбәси қазақ елипбәси болиду. Астана русийә учур мәйданидин чиқип кетиду" мавзулуқ мақалидә көрситилишичә, чоң еһтималлиқ шуки, қазақлар бу қетим латин елипбәси қоллиништа түрк елипбәсидин пайдилиниши мумкин икән. Қазақистанлиқ сиясәтшунас досим сатпайевниң қаришичә, гәрчә латин елипбәсиниң бир қанчә хил нусхилири бар болсиму, әмма түрк елипбәси әң қизиқиш қозғимақта.

Вәһаләнки қазақларниң 80 йилға йеқин вақит ишләткән рус һәрпидин ваз кечип, латинчиға көчүши, һәтта түрк елипбәсини қоллиниш еһтималлиқи русийә сиясийонлириниң диққитини қозғимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт