Назарбайеф қазақ тилиниң латин йезиқиға көчүши һәққидики пәрманға имза қойған

Мухбиримиз қутлан
2017-10-28
Share

"азадлиқ радийоси" ниң хәвиригә қариғанда, 27-өктәбир күни қазақистан президенти нурсултан назарбайеф қазақ тилиниң латин йезиқиға көчүши һәққидики пәрманға имза қойған.

Мәзкур пәрманда қазақистан миллий комиссийисиниң 2025-йилиғичә тәдриҗий һалда қазақларниң латин йезиқиға көчүшини тамамлайдиғанлиқи билдүрүлгән.

Көзәткүчиләр, бу қазақистанниң рус тили вә мәдәнийитиниң тәсиридин йирақлишиватқанлиқиниң әң көрүнәрлик бир бәлгиси, дәп қаримақта.

1929-Йили сабиқ советлар иттипақи оттура асиядики қазақ, қирғиз, өзбек, түркмән, уйғур вә башқа йәрлик хәлқләрниң әнәниви йезиқини мәҗбурий һалда әслидики әрәб елипбәсидин латин елипбәсигә көчүргән. 1940-Йилиға кәлгәндә латин йезиқини әмәлдин қалдуруп, рус елипбәси асасидики кирил йезиқиға көчүргән. Қазақистан кирил йезиқини топ-тоғра 80 йил қолланған.

Йеқинқи йилларда әзәрбәйҗан, түркмәнистан вә өзбекистан қатарлиқ түркий җумһурийәтләр арқа-арқидин кирил йезиқини әмәлдин қалдуруп латин йезиқиға көчкән. Қазақистанниң алдинқи күни латин йезиқиға рәсмий көчкәнлики оттура асиядики көп қисим дөләтләрниң рус тәсиридин узақлишип, түркий мәдәнийәт гәвдисигә қарап уюшиватқанлиқидин дерәк бәргән.

Алдинқи күни қазақистандики уйғур билим адәмлири мәхсус йиғин чақирип, қазақистандики уйғур җамаитиниң кирил йезиқидин латин йезиқиға өтүш һәққидики җиддий мәсилилирини музакирә қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт