Qazaqistan-Uyghur rayoni chégrasida yük poyizi soqushup kétip, xelq'ara poyiz qatnishi toxtap qaldi

Muxbirimiz erkin
2016-05-20
Share

19‏-May, qazaqistan Uyghur aptonom rayoni chégrasining alataw éghizida ikki yük poyizi soqushup kétip, xelq'ara poyiz qatnishigha tesir qilghan. Weqe chégra éghizining qazaqistan chégra yaqisida yüz bergen bolsimu, emma poyiz yoli tosulup qalghachqa chégraning bortala yaqisidiki 5 xelq'ara yük poyizi toxtap qalghan. Ularning biri ürümchi-polsha liniyeside qatnaydighan yük poyiziken.

Shinxu'a agéntliqining xewer qilishiche, peyshenbe küni etigende yüz bergen weqede ikki poyiz soqulup, poyiz wagonlirigha ot ketken. Emma weqede adem ölgen-ölmigenliki melum emes.

Xewerde, bu toghriliq héchqandaq melumat bérilmigenlikini, emma xitay terepning bir qisim qutquzush xadimlirini qazaqistan terepke yardemge ewetkenlikini bildürgen.

Xewerde yene, ürümchi tamozhna idarisining bergen melumatini neqil keltürüshiche, weqede poyiz wagonlirigha bésilghan nurghun miqdarda polat we minéral matériyallar chéchilip ketken.

Alataw éghizi Uyghur aptonom rayonidiki eng chong quruqluq chégra porti. U xitayning yawro-asiyagha échilghan eng muhim tömür yol békiti bolupla qalmay, belki yene, tash yol we néfit turuba yolining muhim tügüni.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet