Қазақистан уйғур поәзийиси намлиқ илмий тәтқиқат китаби нәшир қилинди

Мухбиримиз үмидвар
2015.05.31
Share on WhatsApp
Share on WhatsApp

Йеқинда қазақистан уйғур әдәбияшунаслиридин бири профессор алимҗан тиливалдиниң “мустәқил қазақстан уйғур поизийиси” намлиқ монографияси нәшир қилинди. Мәзкур илмий тәтқиқат қазақистан җумһурийити билим вә пән министирликиниң мәхсус орунлаштуруши бойичә йезилип, униңға қазақ академиклиридин вәлихан қалиҗан рәһбәрлик қилған.Бир қанчә қазақистан алимлири китабқа пикир сөзи язған.

Мәлум болушичә, бу қазақистан мустәқил болғандин кейин нәшир қилинған уйғур шеирийити һәққидики мәхсус илмий тәтқиқат характерлиқ әсәрләрниң тунҗиси болуп, сабиқ совет иттипақи дәвридә, 1960 - вә 1980 - йилларда икки қетим “совет уйғур әдәбияти” нами астида қазақистан пәнләр академийәсиниң уйғуршунаслири тәрипидин икки моногорапийә нәшир қилинған иди. Бу әсәрләрдә совет, җүмлидин қа қазақистан вә өзбекистандики уйғур әдәбиятиниң 20 - әсирниң 20 - йиллиридин таки 80 - йиллириғичә болған әһвали тонуштурулған иди. Өткән әсирниң 30 - йиллириғичә болған арилиқта оттура асия уйғур әдәбияти,җүмлидин заманиви шеирийити ташкәнтни мәркәз қилған һалда юқири дәриҗидә раваҗланған болса, униң иккинчи дәври өткән әсирниң 60 - 80 - йиллири арисида қазақистанда яритилған иди.

Уйғур авази гезитиниң йезишичә, қазақистан хәлқлири бирләшмисиниң 20 йиллиқиға беғишланға мәзкур тәтқиқат үч баптин тәркип тапқан болуп, буниңда заманиви уйғур поизийисиниң иҗтимаий - мәдәний изаһи, шеирийәт әқимлири билән модернизм мәзмунидики шеирийәт вә башқилар анализ қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.