Қазақистан җумһурийити 2017-йилидин етибарән дунядики 54 дөләткә қарита визини әмәлдин қалдуридикән

Мухбиримиз қутлан
2016-07-11
Елхәт
Пикир
Share
Принт

Қазақистан ташқи ишлар министирлиқи 2017-йилидин етибарән явропа иттипақиға әза дөләтләр, иқтисадий һәмкарлиқ вә тәрәққият тәшкилатиға әза дөләтләр шундақла сингапор, малайшия вә монако қатарлиқ 54 дөләткә қарита визини әмәлдин қалдуридикән.

Түркчә «қазақистан хәбәр» ториниң илгири сүрүшичә, қазақистан җумһурийитиниң ташқи ишлар министири идрисоф йеқинда баянат елан қилип, дунядики 54 дөләт пуқралириниң 2017-йилидин етибарән қазақистанға 30 күн визисиз кирип-чиқалайдиғанлиқини билдүргән.

Мәлум болушичә, қазақистан җумһурийитиниң бу қарари президент нурсултан нәзәрбайефниң 6-айда санкит-петерсбург иқтисадий мунбиридә 54 мәбләғ салғучи дөләт үчүн виза түзүмини бикар қилидиғанлиқи һәққидики баянатидин кейин очуқчилиққа чиққан икән.

Қазақистан җумһурийити сабиқ советлар иттипақи йимирилгәндин кейин мустәқиллиққа еришкән орта асия җумһурийәтлири ичидики иқтисадий тәрәққияти әң тез, ташқи дипломатийәси әң җанлиқ, сиясий вәзийити әң муқим болған бир дөләт болуп, униң 50 нәччә дөләткә қарита виза түзүмини әмәлдин қалдуруши орта асия райониниң дуняниң сиясий вә иқтисадий мунбиридики орнини йәниму күчәйтидикән.

Пикирләр (0)
Share
Толуқ бәт