Qazaqistan jumhuriyiti 2017-yilidin étibaren dunyadiki 54 döletke qarita wizini emeldin qalduridiken

Muxbirimiz qutlan
2016-07-11
Share

Qazaqistan tashqi ishlar ministirliqi 2017-yilidin étibaren yawropa ittipaqigha eza döletler, iqtisadiy hemkarliq we tereqqiyat teshkilatigha eza döletler shundaqla sin'gapor, malayshiya we monako qatarliq 54 döletke qarita wizini emeldin qalduridiken.

Türkche "Qazaqistan xeber" torining ilgiri sürüshiche, qazaqistan jumhuriyitining tashqi ishlar ministiri idrisof yéqinda bayanat élan qilip, dunyadiki 54 dölet puqralirining 2017-yilidin étibaren qazaqistan'gha 30 kün wizisiz kirip-chiqalaydighanliqini bildürgen.

Melum bolushiche, qazaqistan jumhuriyitining bu qarari prézidént nursultan nezerbayéfning 6-ayda sankit-pétérsburg iqtisadiy munbiride 54 meblegh salghuchi dölet üchün wiza tüzümini bikar qilidighanliqi heqqidiki bayanatidin kéyin ochuqchiliqqa chiqqan iken.

Qazaqistan jumhuriyiti sabiq sowétlar ittipaqi yimirilgendin kéyin musteqilliqqa érishken orta asiya jumhuriyetliri ichidiki iqtisadiy tereqqiyati eng téz, tashqi diplomatiyesi eng janliq, siyasiy weziyiti eng muqim bolghan bir dölet bolup, uning 50 nechche döletke qarita wiza tüzümini emeldin qaldurushi orta asiya rayonining dunyaning siyasiy we iqtisadiy munbiridiki ornini yenimu kücheytidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet