Қазақистан хитайдин қош дөләт тәвәликидики қазақ пуқралирини қоюветишни тәләп қилди

Мухбиримиз әзиз
2018-05-29
Елхәт
Пикир
Share
Принт

Өткән һәптә хитай вә қазақистан вәкилләр өмики мәхсус сөһбәт өткүзүп, хитай һөкүмити қолға алған бир түркүм қазақларни қоюп бериш һәмдә башқа алақидар мәсилиләр һәққидә музакириләшкән.

«Бүгүнки қазақистан» ториниң 29-майдики хәвиригә қариғанда, ардак мадийев башчилиқидики қазақистан вәкиллири го шавчуән башчилиқидики хитай вәкилләр өмики билән сөһбәтләшкән. Сөһбәттә икки тәрәп мунасивитидә нөвәттә оттуриға чиқиватқан мәсилиләр, һәрқайси тәрәп пуқралириниң һәқ вә һоқуқлирини қоғдаш, шундақла икки тәрәп саяһәтчилиригә мунасивәтлик бир қатар мәсилиләр тәпсилий муһакимә қилинған.

Хәвәрдә ейтилишичә, сөһбәт җәрянида қазақистан вәкиллири хитайдин қазақистанға көчүп келип вәтәндашлиқ алған қазақ пуқралириниң хитайда тутқун қилиниш мәсилисини алаһидә оттуриға қойған, шуниңдәк буниңға четилип қалған кишиләргә адил муамилә қилиш тәләп қилинип, уларни тездин қоюп бериш тәләп қилинған. Хәвәрдә қазақистан ташқи ишлар министирликиниң ахбарат ишханисидин нәқил кәлтүрүлүп «ш у а р дики қазақлар мәсилсини һәл қилишта ортақ келишим һасил қилинди» дейилиду.

Сөһбәт җәрянида йәнә икки тәрәп саяһәтчилириниң виза ишлириға қолайлиқ туғдуруш, айрудурумлардики алмишиш җәрянида виза ишлирини асанлаштуруш тоғрисидиму мәхсус музакирә болғанлиқи мәлум.

Пикирләр (0)
Share
Толуқ бәт