Shi we nazarbayéf istratégiyilik shériklik munasiwitini téximu chongqurlashturush heqqide birleshme xitabname élan qildi

Muxbirimiz ümidwar
2013-09-08
Share

Junggo dölet re'isi shi jinping 6 - séntebir küni rusiyining sankitpétérburg shehiridiki 20 dölet guruhining yighinidin kéyin qazaqistan'gha qaratqan dölet ishliri ziyaritini bashlap, astanada qazaqistan prézidénti nursultan nazarbayéf bilen ikki dölet hemkarliqliri heqqide söhbet ötküzgendin kéyin 7 - séntebir küni "Qazaqistan bilen xitayning istratégiyilik shériklik munasiwetlirini téxmu omumyüzlük chongqurlashturush birleshme xitabnamisi" ni imzalidi.

Qazaqistanning "Tengri" xewerler agéntliqining yézishiche, shi jinping yene astanadiki nazarbayéf uniwérsitétida nutuq sözlep, ikki döletning ortaq halda yipek yoli iqtisadiy belwiqi qurushini teshebbus qilghan hem sözide xitayning ottura asiya rayonida hökümranliq qilishni meqset qilmaydighanliqini körsetken.

Shi jinpingning bu sözi qazaqistan agéntliqliri teripidin alahide tekitlendi.

Qazaqistan bilen junggo rehberliri imza qoyghan bu yéngi xitabnamide ikki döletning buningdin kéyinki köp sahelerdiki hemkarliqliri tepsiliy körsitilgen bolup, burunqigha oxshashla ikki döletning bölgünchilik, térrorchiliq we diniy esebiylikke ortaq qarshi turidighanliqi tekitlen'gen.

Ikki dölet yene bir qétim ilgirikige oxshash bir - birining dölet menpe'etini qoghdash heqqide wede bergen.

Qazaqistandiki ismini ashkarilashni xalimighan bir Uyghur siyasiyoninng éytishiche, birleshme xitabnamidiki mezkur mezmunlar Uyghurlarning qazaqistan tupriqida Uyghur diyaridiki Uyghurlarning kishilik hoquqni öz ichige alghan pa'aliyetlirige qoyulghan tosaqtin ibarettur.

Shinxu'aning xewer qilishiche, shi jinping bu qétim yene qazaqistan bash ministiri exmetof we parlamént bashliqi qatarliq yuqiri derijilik rehberler bilen sözleshken.

U nazarbayéf uniwérsitétidiki sözide qazaq sha'iri abayning sözliridin neqil alghan hem qazaq xelqini we qazaqistan - xitay dostluqini medhiyileydighan jümlilerni köp ishletken.

Shi jinping astana ayrodromigha yétip kelgende nursultan nazarbayéf özi ayrodromgha chiqip kütüwaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet