Qazaqistan bilen xitay 5 milyard dollarliq néfit kélishimi imzalidi

Muxbirimiz ümidwar
2013-09-08
Share


Xitay dölet re'isi shi jinpingning qazaqistan ziyariti jeryanida shenbe küni qazaqistan bilen xitay zor miqdardiki soda kélishimi imzalidi, buning ichide besh milyard dollar qimmitidiki néfit kélishimimu bar.

Régnum torining xewer qilishiche, qazaqistan bilen xitayning néfit kélishimini xitay döletlik tebi'iy gaz we néfit shirketler guruhi bilen qazaqistan döletlik qazaqmunaygaz shirkiti imzalighan bolup, xitay qazaqistanning eng chong néfitliki kashaganning 8.3 % Aksiyisini sétiwalghan. Xitay yene qazaqistan'gha kashaganning ikkinchi türkümdiki néfitliklirini échish üchün üch milyard dollar qerz bérishke qoshulghan.

Kashagan néfitliki dunya boyiche eng chong néfitlik bolup, elwette qazaqistan mezkur néfitlikning hemme aksiyisini peqet xitayghila satqan emes. Kashagan néfitlikini échishqa amérika, yaponiye qatarliq memliketlermu qatnashqan. Bu yerde "Éni", "Royal duch shell", "Éxson mobil", "Total" qatarliq chet'el shirketliri mewjut.

Kashaganning néfit zapisining 9 milyardtin 13 milyard barélghiche ikenliki perez qilinmaqta. Emma, xitayning mezkur néfiltikning aksiyisini sétiwélishi xitayning énérgiye sahesidiki zor muweppeqeyetliridin bolup hésbalinidu.

Nöwette qazaqistan xitayni néfit turubisi arqiliq néfit bilen teminlesh miqdarini ashuriwatqan bolup, qazaqistan xitayning yawro - asiyadiki asasliq néfit teminligüchisidur.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet