Коллектип бихәтәрлик тәшкилатиға әза дөләтләр һәрбий маневир өткүзиду

Мухбиримиз үмидвар
2017-10-15
Share

Оттура асия учур ториниң хәвәр қилишичә, русийә башчилиқидики, “коллектип бихәтәрлик келишими тәшкилати” 16-өктәбирдин 20-өктәбир күнигичә қазақистанда бирләшмә һәрбий маневир өткүзүшкә тәрәддут қилмақта.

Қазақистанниң уйғур дияриға йеқин “илийский” дәп аталған һәрбий базисида өткүзүлидиған мәзкур “бузулмас қериндашлиқ-2017” дәп аталған бирләшмә һәрбий маневирға русийә, беларусийә, қазақистан, қирғизистан, таҗикистан вә әрменийә қатарлиқ дөләтләрниң қораллиқ күчлири қатнишидиған болуп, мәзкур дөләтләрниң маневирға қатнишидиған қошунлири маневир мәйданиға келип болған.

Бу қетимқи маневир қирғизистанда президент сайлими өткүзүлүп, тунҗи қетим һакимийәт тинч йол билән башқа бир президентқа өткүзүп берилиш вәзийитигә тоғра кәлгән.

Анализчиларниң қаришичә, йеқинқи вақитлардин буян русийә коллектип бихәтәрлик келишими тәшкилати, явро-асия иқтисади гәвдиси қатарлиқ тәшкилатлар рамкиси астида оттура асия дөләтлири билән болған һәрбий-сиясий һәмкарлиқларни ашурушқа киришмәктә. 

Оттура асия дөләтлириниң мәзкур бирләшмә һәрбий маневири йәнә хитайниң бу дөләтләргә қошна уйғур диярида “муқимлиқни күчәйтиш”, “террорлуққа қарши туруш” нами астида һәрбий күчини ашуруши, даим һәрбий маневир вә һәйвә көрситиш паалийәтлири өткүзүп турушлириғиму тоғра кәлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт