Қазақистанда хитайниң зорийиватқан тәсиригә қарши наразилиқ намайишлири өткүзүлди

Мухбиримиз ирадә
2019-09-05
Елхәт
Пикир
Share
Принт

4-Сентәбир чаршәнбә күни, қазақистанда хитайниң зорийиватқан тәсиригә қарши намайишлар йүз бәргән. Намайишчилар һөкүмәттин хитайниң мәбләғ салған завут-кархана қурулушлирини тохтитишни тәләп қилған.

Ройтерс агентлиқиниң хәвиридин қариғанда, бу намайишлар алди билән йәкшәнбә күни қазақистанниң ғәрбидики кичик санаәт шәһири болған җаңаөзиндә башланған, шу күни 100 әтрапида болған намайишчи сани дүшәнбә күнигә кәлгәндә 300 дин ешип кәткән. Чаршәнбә күни болса, намайишлар қазақистан пайтәхти нурсултанға вә әң чоң шәһири болған алмутаға кеңәйгән. 

Хәвәрдин мәлум болушичә, чаршәнбә күни, алмута шәһәрлик һөкүмәт алдиға йиғилған намайишчилар қоллирида «хитай завутлири кирмисун» дегән шоар тахтилирини көтүрүшүп намайиш қилған. 

Ройтерсниң хәвиридә ейтилишичә, хитай завутлириға қарши бу намайишларға хитай ширкәтлириниң райондики қурулушлириниң муһитни булғиши вә бу завутлар йәрлик хәлқтин ишчи қобул қилмай, хитайларни әкелип ишқа орунлаштурғанлиқтин униң йәрлик хәлққә һечқандақ бир пайдисиниң болмаслиқидәк амиллар биваситә сәвәб болған. Әмма шуниң билән биргә йәнә, хитайниң қазақистандики сиясий тәсириниң ешип бериши вә хитайниң уйғур елидә «радикаллиқни түгитиш» нами астида 2 милйон әтрапида уйғур вә қазақ қатарлиқ йәрлик милләтләрни лагерға қамап зулум қилишиму қазақистанда хитайға нисбәтән наразилиқ кәйпиятиниң күчийишигә сәвәб болмақтикән. 

Йеқинда қазақистан даирилириниң уйғур елидики лагерлар мәсилисини дуняға ашкарилашта рол ойниған паалийәтчи серикҗан билашоғлини қолға елишиму хитайниң қазақистандики тәсир күчиниң нәтиҗиси дәп қаралғаниди. Серикҗан билашоғли кейин шәртлик һалда қоюп берилди.

Пикирләр (0)
Share
Толуқ бәт