Qazaqistanning tashqi qerzi 168 milyard dollargha ösken

Muxbirimiz ümidwar
2017.11.26

Ottura asiya rayonidiki iqtisadiy tereqqiyati eng téz kétiwatqan qazaqistanning tashqi qerzi dawamliq ösüp, 168 milyard amérika dollirigha yetken.

Qazaqistanning “Zakona.Kz” torida élan qilin'ghan bu heqtiki tepsilatta éytilishiche, bu yil 7-ayda qazaqistanning tashqi qerzi téz köpiyip 168 milyard dollargha yetken bolup, buning ichide 13. 2 Milyard dollar qazaqistan hökümet sahesining tashqi qerzi bolup, qalghanliri, banka, shirket we bashqilargha mensup iken. Emma, qazaqistanning tashqi qerzliri, 2014-yili, 2015-yilidikige qarighanda téz ösken iken bolup, qazaqistanning xitaygha boghulghan qerzila yette hesse ashqan iken. 

Rusiyening “Régnum tori” da élan qilin'ghan lazzat shibutowaning bu heqtiki maqaliside körsitilishiche, 2017-yilining birinchi charikide, qazaqistan tashqi qerzi 165 milyard bolghan idi. Qazaqistanning xitaygha boghulghan qerzimu köpiyip yette hesse ashqan we xitayning qazaqistan qerz töleshke tégishlik orni tötinchige ötken. Biraq, qazaqistan qerzge eng kop boghulghan döletler ichide gollandiye birinchi, amérika qoshma shtatliri ikkinchi, en'gliye üchinchi orunni igileydiken. Qazaqistanning xitaygha töleshke tégishlik qerzi 12 milyard 180 milyon dollargha yetken bolup, köpligen iqtisadshunaslar we öktichiler xitay qerzining téz ösüshidin endishe qilmaqta iken.

Qazaqistanning kona ittipaqchisi bolghan rusiyening qazaqistanni qerzdar qilish orni töwenlep, yettinchi orun'gha chüshüp qalghan bolup, bu riqabette rusiye xitayning köp arqisida qalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.