Amérika qelemkeshler merkizi shi jinpingni ilham toxti qatarliq mehbuslarni qoyup bérishke chaqirdi

Muxbirimiz erkin
2015.09.18

Amérika qelemkeshler merkizi xitay re'isi shi jinping amérikini ziyaret qilish harpisida bayanat élan qilip, shi jinpingni ataqliq Uyghur öktichi ilham toxti, zhurnalist gaw yü, nobél tinchliq mukapati sahibi lyu shawbo we türmidiki bashqa wijdan mehbuslirini qoyup bérishke chaqirdi.

Qelemkeshler merkizi jüme küni élan qilghan bayanatida yene, xitayning pikir erkinlik weziyitidin qattiq endishe qiliwatqanliqini bildürgen.

Qelemkeshler merkizi bayanatida, türmidiki yazghuchi, zhurnalistlarning ehwalidin qattiq endishe qiliwatqanliqini eskertip, “Ularning köp qismi özlirining ipade we ijadiyet erkinlikini qollan'ghanliqi üchün bu éghir ehwalgha qaldi. Nöwette biz junggoda türmige solan'ghan az dégende 47 neper yazghuchi we zhurnalistning délosini turghuzup chiqtuq. Ular ottura hésab bilen 8 yil, beziler téximu éghir qamaqqa buyrulghan. Uyghur ziyaliysi we mikro blogchi ilham toxti 2014‏-yili 23‏-séntebir muddetsiz qamaqqa höküm qilindi. U torda Uyghurlar uchrighan mu'amilige özining pikrini yazghanliqi üchün bu ehwalgha qaldi” dégen.

Qelemkeshler merkizi bayanatining axirida shi jinpinggha qaritip mundaq dégen, “Biz, sizni özining pikrini yazghanliqi üchün jinayetchi sanilip, türmige tashlan'ghan yazghuchi, zhurnalistlarni derhal qoyup bérishke chaqirimiz. Shuning bilen birge, derhal tedbir qollinip, junggo puqralirining alaqe we uchurgha érishish erkinlikini qoghdashni telep qilimiz.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.