Уйғур аптоном районида тунҗи түркүмдики иштатлиқ тәптишләрниң асасий қанун алдида коллектип қәсәм бериш мурасими өткүзүлгән

Мухбиримиз қутлан
2017.01.01


Хитай өзиниң бир қануний дөләт икәнликини намайиш қилиш үчүн бу йилдин башлап һакимийәт отганлиридики әмәлдарлирини “хитай асасий қануни” алдида қәсәм беришкә тәшкиллигән.

Хитай таратқулириниң илгири сүришичә, бу йилниң иккинчи йеримида хитай баш министери ли кечяң хитай дөләт ишлири кабентидики йоқири дәриҗилик әмәлдарлирини “хитай асасий қануни” алдида қәсәм беришкә уюштурған.

Шундин буян хитайниң һәрқайси өлкә, биваситә қарашлиқ шәһәр вә аптоном районлиридики һәр дәриҗилик һакимийәт органлирида вәзипә өтәватқан әмәлдарлар “хитай асасий қануни” алдида коллектип қәсәм бериш мурасими өткүзгән.

Хәлқ ториниң 30-декабирдики хәвиригә қариғанда, 12-айниң 29-күни, уйғур аптоном районида тунҗи түркүмдики иштатлиқ тәптишләрниң “хитай асасий қануни” алдида коллектип қәсәм бериш мурасими өткүзүлгән. Шу күни уйғур аптоном районидики 120 тәптиш оргинида бу мурасим бирла вақитта елип берилған.

Көзәткүчиләр, хитайда сот яки тәптиш мәһкимилири өз алдиға қарар чиқиридиған мустәқил органлар әмәс, улар һәрвақит хитай компартийәсиниң контроллуқи астида хизмәт елип бариду. Шуңа уйғур аптоном районидики тәптишләрниң “хитай асасий қануни” алдида қәсәм бериши ташқий дуняға тәшвиқ қилиниватқан бир сахта көрүнүш яки шәкилдин башқа нәрсә әмәс, дәп қаримақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.