Хитайниң қәшқәрни "чоң шәһәр" гә айландуруш пилани тезләшкән

Мухбиримиз әркин
2021-11-15
Share

Хитай һөкүмити уйғурларниң тарихи вә мәдәнийәт бөшүки, болған қәдимий шәһәр-қәшқәрни әтраптики наһийәләр билән бирләштүрүп "чоң шәһәр" гә айландуруш пиланини тезләткән. Хитай таратқулириниң ашкарилишичә, хитай һөкүмитиниң пилани қәшқәр шәһири, кона шәһәр, йеңи шәһәр наһийәси вә қәшқәр ‍иқтисадий тәрәққият районини бирләштүрүп, уйғур елиниң җәнубидики әң чоң иқтисади гәвдигә айландуруш, "чоң қәшқәр район характерлик иқтисадий ортақ гәвдиси" бәрпа қилиш икән.

Хитай һөкүмитиниң 2017-йили башланған чоң тутқунда йүз миңлиған уйғур лагер, түрмиләргә қамалған, хитай карханилирида мәҗбурий әмгәккә селинған бир вақитта қәшқәрни "чоң иқтисади гәвдигә" айландурушқа қопуши диққәт қозғиған. Хитайниң "шинхуа тори" ниң хәвәр қилишичә, хитайниң 2019-йили башланған бу қурулуши, нөвәттә тезлишиш басқучиға киргән болуп, униң пилани 2023-йилғичә бир шәһәр икки наһийәни өз ичигә алған 195 квадрат километирлиқ "чоң қәшқәр" ни бир милйон нупуслуқ шәһәргә айландуруш икән.

Хитай һөкүмити бу қурулуш иқтисадий тәрәққиятни алға сүрүп, қәшқәрниң қияпитидә зор өзгириш ясайдиғанлиқини илгири сүрсиму, бирақ чәтәлдики көзәткүчиләр бу пилан хитайниң "шинҗаңни идарә қилиш истратегийәси" ниң парчиси икәнлики, униң мәқсити уйғурларниң нопус үстүнликигә хатимә берип, уларни аҗизлитиш икәнликини тәкитлимәктә. Қәшқәр хитайниң 2017-йили башланған чоң тутқунида униң асаслиқ зәрбә бериш нишанлириниң биригә айланғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт