Қәшқәрдин ғулҗа вә қарамайға биваситә қатнайдиған йолучилар пойиз линийәсидә қатанаш башланған

Мухбиримиз қутлан
2016-10-22
Share


Тәңритағ ториниң хәвиригә қариғанда, 20 - өктәбирдин башлап уйғур елиниң қәшқәр шәһиридин шималдики ғулҗа вә қарамай шәһәрлиригә биваситә қатнайдиған йолучилар пойизи линийәсидә қатнаш башланған.

Игилинишичә, бу уйғур аптоном районлуқ төмүр йол идарисиниң бу йил ичидә 8 - қетимлиқ йолучилар пойизиниң йүрүш хәритисини тәңшиши болуп һесаблинидикән.

Хәвәрдә дейилишичә, қәшқәр билән үрүмчи арисида қатнайдиған икки җүп пойизниң йол йүруш бөлики айрим - айрим һалда ғулҗа вә қарамай шәһәрлиригә узартилидикән.

Йеңидин узартилған қәшқәр - қарамай йолучилар пойизи линийәси җәнубий шинҗаң, ләнҗу - шинҗаң, күйтүн - бейтүн линийәлирини бесип өтидикән. Бу линийәниң омумий мусаписи 1849 километир икән.

Қәшқәр - ғулҗа йолучилар пойизи линийәси болса җәнубий шинҗаң, ләнҗу - шинҗаң, җиң - қорғас линийәлирини бесип өтидикән. Бу линийәниң омумий мусаписи 2079 километир келидикән.

Мәлум болушичә, илгири даириләр асаслиқи уйғур аптоном райони билән хитай өлкилири арисидики төмүр йол линийәлиригә көпләп мәбләғ селип, уйғур елидин хитай өлкилиригә тошулидиған йәр асти байлиқлири билән хитай өлкилиридин уйғур дияриға келидиған хитай көчмәнлиригә асанлиқ яратқан.

Көзәткүчиләр, бу қетим қәшқәрдин ғулҗа вә қарамайға биваситә қатнайдиған йолучилар пойизи линийәсиниң ечилишини районда шиддәт билән көпәйгән ақма нопусниң шәһәрләр ара йөткилишини асанлаштурушни мәқсәт қилған, дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт