Qeshqerdin ghulja we qaramaygha biwasite qatnaydighan yoluchilar poyiz liniyeside qatanash bashlan'ghan

Muxbirimiz qutlan
2016-10-22
Share


Tengritagh torining xewirige qarighanda, 20 - öktebirdin bashlap Uyghur élining qeshqer shehiridin shimaldiki ghulja we qaramay sheherlirige biwasite qatnaydighan yoluchilar poyizi liniyeside qatnash bashlan'ghan.

Igilinishiche, bu Uyghur aptonom rayonluq tömür yol idarisining bu yil ichide 8 - qétimliq yoluchilar poyizining yürüsh xeritisini tengshishi bolup hésablinidiken.

Xewerde déyilishiche, qeshqer bilen ürümchi arisida qatnaydighan ikki jüp poyizning yol yürush böliki ayrim - ayrim halda ghulja we qaramay sheherlirige uzartilidiken.

Yéngidin uzartilghan qeshqer - qaramay yoluchilar poyizi liniyesi jenubiy shinjang, lenju - shinjang, küytün - béytün liniyelirini bésip ötidiken. Bu liniyening omumiy musapisi 1849 kilométir iken.

Qeshqer - ghulja yoluchilar poyizi liniyesi bolsa jenubiy shinjang, lenju - shinjang, jing - qorghas liniyelirini bésip ötidiken. Bu liniyening omumiy musapisi 2079 kilométir kélidiken.

Melum bolushiche, ilgiri da'iriler asasliqi Uyghur aptonom rayoni bilen xitay ölkiliri arisidiki tömür yol liniyelirige köplep meblegh sélip, Uyghur élidin xitay ölkilirige toshulidighan yer asti bayliqliri bilen xitay ölkiliridin Uyghur diyarigha kélidighan xitay köchmenlirige asanliq yaratqan.

Közetküchiler, bu qétim qeshqerdin ghulja we qaramaygha biwasite qatnaydighan yoluchilar poyizi liniyesining échilishini rayonda shiddet bilen köpeygen aqma nopusning sheherler ara yötkilishini asanlashturushni meqset qilghan, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet