22 - Iyun qeshqerde toqunush yüz bérip 3 saqchi, 15 hujumchi öldi

Muxbirimiz erkin
2015-06-23
Share


Bügün xitaydiki ijtima'iy taratqulardin ündidar we chet'ellerdiki xitay tilidiki torlardin biri "Boshün"de tarqalghan qeshqerde toqunush yüz bergenliki heqqidiki ichki uqturush bolghan.

Bu ichki uqturushning foto kopiyiside déyilishiche,"22 - Iyun seher sa'et 0 din 40 minut ötkende, qeshqer shehrining <shinchün béylu>dep atilidighan rayonida, yeni Uyghurlar taxta köwrük dep ataydighan rayonida saqchilarning tekshürüsh ponkitigha üch chaqliq motsiklit we yük aptomobili bilen partlitip hujum qilish weqesi yüz bergen. Neq meydanda bir saqchi we bir yardemchi saqchi partlap ölgen. 15 Neper hujumchi saqchilar teripidin étiwétilip,5 nepiri yarilandurulup tutqun qilin'ghan."

Xewerde yene "Partrlitish hujumidin kéyin saqchilarning neq meydandin qolda yasalghan 100 dane köydürgüch bomba,7 dane partlatquch bomba,3 dane qingghiraqni tapqanliqi" tilgha élin'ghan.

Radi'omiz muxbirining qeshqerdin bu weqe heqqide igiligen ehwaldin melum bolushiche, weqe qeshqer shehrining shimaligha toghra kélidighan taxti köwrül etrapida yeni qeshqer pidagogika uniwérsitétigha yéqin jayda yüz bergen. Pida'iylarning hujumida ölgen saqchilarning 3 ikenliki éniqlandi. Bügünki mexsus sehipiler boyiche bérilidighan programmimizda bu qétimqi toqunush heqqidiki tepsilatlarni anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet