Qeshqer kona sheher hakimigha yézilghan ochuq xet jawabqa érishti

Ikki heptining aldida Uyghur élidiki ammiwi torbetlerdin biride “Kona sheher hakimigha ochuq xet” namliq mektup élan qilin'ghan we ochuq xette kona sheherning pilal kentide emin öy qurulushi üchün ahalilerdin zörüriyetsiz halda pul toplan'ghanliqi inkas qilin'ghan we nahiye hakimi bu mesilini hel qilishqa dewet qilin'ghan idi.

Mezkur inkaschi bügün yene shu torda bir bayanat élan qilip, özi otturigha qoyghan mesilining teltöküs hel qilin'ghanliqini élan qilghan we nahiye rehberlirige özi yazghan ochuq xetke diqqet bergini we mesilini hel qilghini üchün minnetdarliq bildürgen.

Nöwette bezi tor ezaliri mezkur inkaschining minnetdarliq bayanatini mejburiy yazghanliq éhtimalliqini ilgiri sürüshmekte, emma yene beziler ochuq xette otturigha qoyulghan mesile sezgür mesililerdin bolmighachqa, jümlidin siyasiy mesile bolmighachqa, xetning semimiyettin yézilghanliqini otturigha qoymaqta. Eger mesilining hel bolghanliqi we inkaschining bixeterliki rast bolsa, bu Uyghur élida az körülidighan jama'et pikrining bésimidin paydilinip mesile hel qilish hésablinidu.