Қәшқәрдә муқимлиқни бәрпа қилиш үчүн маарипни күчәйтиш тәклипи берилди

Мухбиримиз ирадә
2013-03-13
Share

“хитай күндилик хәвәрләр тори” дики хәвәрдин мәлум болушичә, қәшқәр вилайитиниң башлиқи мутәллип обул бейҗиңдики икки йиғин мәзгилидә қәшқәрдики вәзийәт үстидә тохталғанда “қәшқәрдә муқимлиқ бәрпа қилиш үчүн маарипни күчләндүрүш керәк”, дегән тәклипни бәргән.

Униң қаришичә, көп маарип тәрбийиси көрмигән яшлар дини радикализимчилар тәрипидин тарқитилған материялларни оқуп вә көрүп, бурмиланған нәрсиләргә асанлиқчә ишинип кетидикән. Шуңа қәшқәрдә муқимлиқ бәрпа қилиш үчүн чоқум маарипни күчләндүрүш керәк икән.

Хитай даирилири уйғур елидә йүз бәргән һәрқандақ вәқәни дини радикализимлиқ вә террорлуқ билән бағлап кәлди. Әмма чәтәлләрдики уйғурлар буни пүтүнләй хитай һөкүмитиниң районда йүргүзүватқан бесим сияситиниң нәтиҗиси, дәп қарайду.

Д у қ баянатчиси дилшат ришит қәшқәр вилайити башлиқи мутәллип обулниң маарипни күчәйтиш тәклипиниң яхши бир тәклип икәнлики, әмма маарипни күчәйтиш үчүн көрситилгән сәвәбниң бурмиланғанлиқини билдүрди. У, уйғур елидә муқимсизлиқ яритиватқан һәқиқий әһвалларни йошуридиған һәм хәлқниң дәрдини сөзләштин баш тартидиған вәкилләрниң “хәлқ вәкили” болуш салаһийити йоқлуқини билдүрди.

Қәшқәр вилайитиниң толуқ оттура мәктәпләргә өрләп оқуш нисбити һазир 63 пирсәнт болуп, мутәллип обул 2015-йилиғичә бу нисбәтни 90 пирсәнткә чиқиришни арзу қилидиғанлиқини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт