Wilson merkizi pakistanning 1955 - yili qeshqerde konsulxana qurushni telep qilghanliqi heqqidiki mexpiy höjjetni élan qilghan

Muxbirimiz qutlan
2016-10-29
Share


Bash shitabi washin'gtondiki wilson tetqiqat merkizi 1955 - yili xitay bilen pakistanning ikki terepning chégra sheherliride konsulxana qurush heqqide tartishma élip barghanliqi heqqidiki mexpiy höjjetlerni yéqinda ashkara qilghan.

Melum bolushiche, xitay kompartiyesi 1949 - yili hakimiyet béshigha kelgendin kéyin nahayiti tézla pakistan bilen dostluq munasiwiti ornatqan. Xitay terep karachida bash elchixana qurghandin kéyin 1955 - yilining béshida sherqiy pakistanda konsulxana échishni telep qilghan. Buninggha jawaben pakistan terepmu Uyghur élining jenubidiki muhim sheher qeshqerde konsulxana échish telipini otturigha qoyghan.

Wilson merkizi élan qilghan höjjetke qarighanda, xitay tashqiy ishlar ministérliqi 1955 - yili 8 - öktebir küni pakistanning telipige bina'en Uyghur aptonom rayonluq partkom we xelq hökümitige alaqe ewetip, pakistanning qeshqerde konsulxana échishigha qandaq pikirde ikenlikini sorighan.

Uyghur aptonom rayonluq partkom bilen xelq hökümiti shu yili 29 - öktebir küni béyjingdiki xitay tashqiy ishlar ministérliqigha jawab yézip mundaq dégen: "Shinjang chégra rayon. Bu yerdiki az sanliq milletler we ularning diniy étiqadi intayin sezgür we murekkep. Shunga biz shinjangning bixeterlikini közde tutup mundaq qariduq. Egerde pakistan qeshqerde konsulxana achsa jasusluq bilen shoghullanmaydu dégili bolmaydu. Uning üstige, qeshqerde chet'el konsulxanisining bolushi bu yerdiki milletlerning inaq - ittipaqliqigha ziyan keltüridu shundaqla bizning xizmetlirimizgimu awarichiliq tughduridu."

Buningdin köriwélishqa boliduki, xitay hökümiti 1949 - yilidin kéyin sowét ittipaqidin bashqa herqandaq bir döletning Uyghur élida konsulxana échishigha yol qoymighan. Hetta özining eng sadiq qoshnisi pakistanning qeshqerde konsulxana échish telipinimu ret qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet