Qeshqerning Uyghur diyaridiki tashqi soda kölimi birinchi orun'gha ötken

Washin'gtondin muxbirimiz uyghar teyyarlidi
2024.04.23

Xitayning qeshqerni özining ottura, gherbiy we jenubiy asiyagha soda-iqtisadiy jehettin kéngiyishidiki asasiy merkezge aylandurushni kücheytishi netijiside qeshqerning tashqi sodidiki orni Uyghur éli hetta xitayning gherbiy qismidiki sheherliri arisida aldinqi orunni igilimekte.

Tengritagh torining 2024-yili 4-ayning 24-künidiki xewirige asaslan'ghanda, 2024-yilining birinchi pesilde, qeshqer rayonining tashqi soda import-éksport omumiy qimmiti 25 milyard 250 milyon yüen'ge yétip, oxshash mezgildikidin %83.4 Ashqan. Uyghur diyaridiki barliq wilayet we sheherler ichide birinchi orun'gha ötken .

Qeshqer tamozhnisining istatistikisigha qarighanda, qirghizistan, qazaqistan we tajikistan qeshqerning aldinqi üch soda shériki bolup, bu üch dölet bilen bolghan import-éksport omumiy qimmiti qeshqerning import-éksport omumiy qimmitining %46.3 Ni igileydiken. “Bir belbagh bir yol” sistémisidiki döletler bilen bolghan soda alaqiside qeshqerning import-éksport qimmiti yene %69.2 Ashqan.

“Shinjang géziti” ning bildürüshiche, xitay hökümiti ötken yili qeshqerni Uyghur diyaridiki üch “Erkin soda rayoni” ning biri, dep élan qilghan. Uningdin burun, bolupmu 2017-yilidin bashlap qeshqerge nurghun ishlepchiqirish karxanilirini yötkep chiqqan. Közetküchilerning qarishiche, netijide qeshqer xitayning dölet hamiyliqidiki mejburiy emgek pirogrammisi eng merkezleshken rayonlarning birige aylandurulghanidi.

 Tetqiqatchi adriyan zénzgha oxshash közetküchilerning qarishiche, xitay hakimiyiti amérikaning  Uyghur mejburiy emgikining aldini élish qanuni boyiche xitay shirketliri we mehsulatlirigha cheklime qoyghandin kéyin, bu cheklimilerdin qutulushi üchün öz mehsulatliri qeshqer we bashqa jaylar arqiliq éksport qilishni kücheytmekte. 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.