Qeshqer yawagh ahaliler komitéti xitay dukandarlarni mumkin bolsa bixeter jaylargha köchüp kétishke chaqirdi

Muxbirimiz irade
2014-05-22
Élxet
Pikir
Share
Print

22-May küni qeshqer sheher yawagh kochisi ahaliler komitéti jiddiy uqturush chiqirip, rayondiki xitay dukandarlarning bashqa jaylargha köchüp kétishni tewsiye qildi. Mezkur uqturush ürümchide partlash yüz bergen küni chiqirilghan. Uningda yawagh rayonida tijaret qiliwatqan xitay dukandarlar hoshyar bolup, öz-özini qoghdash tedbirlirini kücheytishi kérekliki eskertilgen. Uqturushta yene, rayondiki xitay tijaretchiler eger shara'iti yar berse, bashqa jaylargha köchüp ketsimu bolidu, déyilgen.

Uqturushtin qarighanda, yawagh kocha ahaliler komitéti bir qatar bixeterlik we özini qoghdash tedbirlirini orunlashturghan bolup, eger kimki tedbirlerni beja keltürmey birer aqiwet kélip chiqsa, aqiwetke özi mes'ul bolidighanliqini agahlandurghan.

Uyghur éli da'iriliri 22-may küni etigende ürümchide yüz bergen partlitish weqesidin kéyin yerlik da'irilerning mexsus xitay ahalilirini bixeter jaylargha köchüp kétishni tewsiye qilishi közetküchilerning diqqitini qozghidi.

Toluq bet