2010-Йилидин буян тақиветилгән қирғиз-өзбәк чегра еғизлири қайта ечилишқа башлиған

Өзбекистан президенти шавкәт мирзайефниң 6-сентәбирдә қирғизистанға қилған икки күнлүк дөләт зияритидин кейин, оттура асиядики бу икки қошна дөләтниң мунасивитидики тоңлар тәдриҗий еришкә башлиған.

“азадлиқ радийоси” өзбекчә аңлитишиниң хәвиригә қариғанда, шавкәт мирзайеф қирғизистанда зиярәттә болуватқан мәзгилдә өзбекистан билән қирғизистан оттурисидики “достлуқ чегра еғизи” қайта ечилған.

Шу күнидики ечилиш мурасимиға икки дөләттин нәччә миң киши қатнашқан һәмдә икки қошна дөләт оттурисидики достанә мунасивәтниң қайтидин ечилғанлиқини тәбриклигән.

Игилинишичә, 2010-йили қирғизистан билән өзбекистан чеграсидики ош, җалалабад қатарлиқ районларда етник тоқунуш йүз бәргәндин кейин, өзбекистан тәрәп 15 чегра еғизидин 12 ни тақиған. Буниң билән икки дөләттики пуқраларниң бериш-келиши вә башқа мунасивәтлири тосалғуға учриған.

Шавкәт мирзайеф бу қетимлиқ қирғизистан зияритидә икки дөләт оттурисида юқири сүрәтлик таш вә төмүр йол қатнишини торлаштуруш һәмдә қирғизистанниң ош областидики өзбек аһалилири мәркәзлик олтурақлашқан районда өзбек мәктипи қуруш тоғрилиқ вәдә бәргән.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар