2010-Yilidin buyan taqiwétilgen qirghiz-özbek chégra éghizliri qayta échilishqa bashlighan

Muxbirimiz qutlan
2017-09-10
Share

Özbékistan prézidénti shawket mirzayéfning 6-séntebirde qirghizistan'gha qilghan ikki künlük dölet ziyaritidin kéyin, ottura asiyadiki bu ikki qoshna döletning munasiwitidiki tonglar tedrijiy érishke bashlighan.

"Azadliq radiyosi" özbékche anglitishining xewirige qarighanda, shawket mirzayéf qirghizistanda ziyarette boluwatqan mezgilde özbékistan bilen qirghizistan otturisidiki "Dostluq chégra éghizi" qayta échilghan.

Shu künidiki échilish murasimigha ikki dölettin nechche ming kishi qatnashqan hemde ikki qoshna dölet otturisidiki dostane munasiwetning qaytidin échilghanliqini tebrikligen.

Igilinishiche, 2010-yili qirghizistan bilen özbékistan chégrasidiki osh, jalal'abad qatarliq rayonlarda étnik toqunush yüz bergendin kéyin, özbékistan terep 15 chégra éghizidin 12 ni taqighan. Buning bilen ikki dölettiki puqralarning bérish-kélishi we bashqa munasiwetliri tosalghugha uchrighan.

Shawket mirzayéf bu qétimliq qirghizistan ziyaritide ikki dölet otturisida yuqiri sür'etlik tash we tömür yol qatnishini torlashturush hemde qirghizistanning osh oblastidiki özbék ahaliliri merkezlik olturaqlashqan rayonda özbék mektipi qurush toghriliq wede bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet