Қирғизистандики уйғур тиҗарәтчиниң пулини алдап еливелиш билән әйибләнгән қирғиз паалийәтчиниң йолдиши алмута айродромида тутқун қилинған

Мухбиримиз әркин
2019-12-27
Share

Қирғизистандики бир уйғур тиҗарәтчиниң 350 миң доллар пулини алдап еливелиш билән әйибләнгән қирғиз паалийәтчиниң йолдиши сурғақ кәнҗибайеф алмута хәлқара айродромида тутқун қилинип, қирғизистанға елип келингән.

Қирғизистанда сода қиливатқан уйғур диярилиқ тиҗарәтчи мутәллип мәмтимин сурғақ кәнҗибайефниң 350 миң доллар пулини алдап еливатқанлиқини илгири сүргән вә қирғизистан әдлийә тармақлириға әрз қилған иди. "азадлиқ" радийосиниң хәвәр қилишичә, сүрғақ кәнҗибайеф йеқинда алмута хәлқара айродромида тутқун қилинип, қирғизистанға қайтуруп келингән.
Қирғизистан дөләт хәвпсизлики комитетиниң 20‏-декабир күни "азадлиқ" радийосиға бәргән учуриданөвәттә кәнҗибайефниң дөләт хәвпсизлики комитетиниң бишкәктики қамақханисида тутуп туруливатқанлиқини билдүргән. Лекин сурғақ кәнҗибайеф атақлиқ қирғиз язғучиси чиңғиз айтматофниң қизи, сабиқ қирғизистан парламент әзаси шерин айтматованиң йолдиши болуп, шерин айтматова өз нөвитидә йәнә қирғизистандики "үмид‏-2020‏" намлиқ черикликкә қарши туруш тәшкилатиниң қурғучиси икән. Мәзкур тәшкилат әркин сәмәтниң истанбулда өлтүрүлүши шундақла 700 милйон долларниң чәтәл банкилириға йөткилишини паш қилиштавә  униңға четишлиқ әмәлдарларни җазалашни тәләп қилишта актип рол ойниған иди.
"азадлиқ" радийосиниң хәвәр қилишичә, мутәллип мәмтимин адвокати җанара әсқәр қизи билән сурғақ кәнҗибайеф һәққидә ахбарат йиғини өткүзгән. Лекин адвокат җанара әсқәр қизи ахбарат йиғинида сурғақ кәнҗибайефниң аялиниң мәрһум язғучи чиңғиз айтматовниң қизи икәнликини билип, ахбарат йиғинини дәрһал тохтатқан.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт