Хитай қирғизистан һава йоллириниң 49% пайчекини сетивалмақчи

Мухбиримиз үмидвар
2017-07-02
Елхәт
Пикир
Share
Принт

Хитай өзиниң оттура асия дөләтлиригә қаратқан иқтисадий җәһәттики тәсирини техиму күчәйтиш җәрянида бир қисим ширкәтләрниң пайчеклирини сетивелишқа тиришиватқан болуп, йеқинда хитай тәрәп қирғизистанниң авиатсийә ширкити һесаблинидиған «қирғизистан һава йоллири» ниң 49% пай чекини сетивелиш тәклипини оттуриға қойған.

«Оттура асия» торида елан қилинған бу һәқтики хәвәрдин мәлум болушичә, қирғизистан ташқи ишлар министирлиқи бу һәқтә учур тарқатқан болуп, учурда ейтилишичә, қирғизистанниң гуаңҗу шәһиридә турушлуқ баш консули билән хитай дөләтлик авиатсийә ширкәтлири гуруһиниң баш директори арисида мәхсус қирғизистан һава йоллириниң 49% пайчекини хитай тәрәп сетивелиш вә икки тәрәп һәмкарлиқ ширкити қуруш һәққидә сөһбәт өткүзүлгән.Хитай тәрәп бишкәктики манас айродромидин хитайниң җәнубий авиатсийә ширкити хәлқара һава линийилириниң транзит-йәни өткүнчи йоли сүпитидә пайдилиниш тәклипини оттуриға қойған.

Нөвәттә, хитайниң «бир бәлвағ бир йол» истратегийисини ишқа ашуруш үчүн қошна қазақистан, қирғизистан, өзбекистан вә таҗикистан қатарлиқ оттура асия дөләтлиригә қарита енергийә, болупму тәбиий газ нефит һәмдә су електр истансилири қурулуши вә башқа һәр саһәләргә мәбләғ селишни ашуруватқанлиқи хәвәр қилинмақта.

Пикирләр (0)
Share
Толуқ бәт