Xitay qirghizistan hawa yollirining 49% paychékini sétiwalmaqchi

Muxbirimiz ümidwar
2017-07-02
Élxet
Pikir
Share
Print

Xitay özining ottura asiya döletlirige qaratqan iqtisadiy jehettiki tesirini téximu kücheytish jeryanida bir qisim shirketlerning paychéklirini sétiwélishqa tirishiwatqan bolup, yéqinda xitay terep qirghizistanning awi'atsiye shirkiti hésablinidighan "Qirghizistan hawa yolliri" ning 49% pay chékini sétiwélish teklipini otturigha qoyghan.

"Ottura asiya" torida élan qilin'ghan bu heqtiki xewerdin melum bolushiche, qirghizistan tashqi ishlar ministirliqi bu heqte uchur tarqatqan bolup, uchurda éytilishiche, qirghizistanning gu'angju shehiride turushluq bash konsuli bilen xitay döletlik awi'atsiye shirketliri guruhining bash diréktori arisida mexsus qirghizistan hawa yollirining 49% paychékini xitay terep sétiwélish we ikki terep hemkarliq shirkiti qurush heqqide söhbet ötküzülgen.Xitay terep bishkektiki manas ayrodromidin xitayning jenubiy awi'atsiye shirkiti xelq'ara hawa liniyilirining tranzit-yeni ötkünchi yoli süpitide paydilinish teklipini otturigha qoyghan.

Nöwette, xitayning "Bir belwagh bir yol" istratégiyisini ishqa ashurush üchün qoshna qazaqistan, qirghizistan, özbékistan we tajikistan qatarliq ottura asiya döletlirige qarita énérgiye, bolupmu tebi'iy gaz néfit hemde su éléktr istansiliri qurulushi we bashqa her sahelerge meblegh sélishni ashuruwatqanliqi xewer qilinmaqta.

Toluq bet