Qirghizistan öktichiliri yighilish ötküzüp öz rehbirini qoyup bérishni telep qildi

Muxbirimiz ümidwar
2017-02-26
Élxet
Pikir
Share
Print


Yekshenbe küni qirghizistan jumhuriyitining paytexti bishkek sheher merkizide öktichiler naraziliq yighilishi ötküzüp, özlirining tutqun qilin'ghan rehbiri ömürbék tékébayéwni qoyup bérishni telep qildi.

Perghane uchur torining xewiridin melum bolushiche, "Ata-makan" partiyesining teshkillishi bilen ötküzülgen yighilishqa qatnashqan minggha yéqin öktichi hökümettin qirghizistan parlamént ezasi we ata makan partiyisining rehbiri ömürbék tékébayéwni derhal qoyup bérishni telep qilghan. Hetta mezkur yighilishqa sabiq qirghizistan prézidénti roza otunbayéwamu qatnashqan.

Azadliq radi'osining xewer qilishiche, ömürbék tékébayéw 25-féwral küni tutup kétilgen bolup, qirghizistan bash teptish mehkimisi uninggha parixorluq we aldamchiliq qilmishi artqan.

Tehlil qilinishiche, ömürbék tékébayéw hepsige élinsa, uning yéqinda ötküzülidighan prézidént saylimida öz namzitini körsitishitn mehrum bolushi mumkin iken.

58 Yashliq tékébayéw, prézidént almasbék atambayéwning yéqin sepdishi idi. Biraq, atambayéw prézidéntliqqa saylan'ghandin kéyin, ataqliq öktichi rehberlirining birge aylan'ghan.

Melumki, 1991-yili,qirghizistan musteqil bolghandin kéyin ikki qétim keng kölemlik öktichiler namayishi yüz bérip, ikki qétim prézidént aghdurulup, bashqa memliketke qéchip kétishke mejbur bolghan idi.

Toluq bet