Қирғизистан түркийәдә уйғурлар ишләтти, дәп қаралған паспортларниң сахта икәнликини билдүрди

Мухбиримиз җүмә
2016-05-21
Елхәт
Пикир
Share
Принт

Әркин явропа радиосиниң хәвәр қилишичә, қирғизистан дөләтлик паспорт ройхәт идариси 20 - май баянат елан қилип, түркийәдә уйғурлар тәрипидин ишлитилгәнлики илгири сүрүлгән қирғиз паспортлириниң әмәлийәттә сахта паспортлар икәнликини билдүрди.

Радиода нәқил қилишичә, ройхәт идарисиниң башлиқи тайирбек сарпашев қирғиз паспортлириниң раст паспортларға асасән өзгәртип ишләнгәнликини ейтқан.

17 - Май 98 уйғурниң түркийә ататурк айропортида тосулуп қалғанлиқи, буларниң сахта қирғиз паспорти билән чеградин өтмәкчи болғанлиқи хәвәр қилинған.

Кейинки хәвәрләргә қариғанда, бу кишиләр саяһәт әткәсчилириниң алдам халтисиға чүшкән болуп, түркийә бу алдамчилиқ делосиға алақидар 4 адәмни қолға алған.

Истанбулда тосулуп қалған уйғурлар шу күни йерим кечидә қоюп берилгән.

Түркийәниң бу чарисиз уйғур һәҗичиләрни қоюп бәргәнлики муһаҗирәттики уйғур җамаитини сөйүндүргән иди.

Нөвәттә бу уйғурлар түрк туприқида вақитлиқ туруватқан болсиму, уларни йәнә қандақ қисмәтләрниң күтүп туруватқанлиқи һазирчә намәлум.

Пикирләр (0)
Share
Толуқ бәт