Qirghizistan türkiyede Uyghurlar ishletti, dep qaralghan pasportlarning saxta ikenlikini bildürdi

Muxbirimiz jüme
2016-05-21
Share

Erkin yawropa radi'osining xewer qilishiche, qirghizistan döletlik pasport royxet idarisi 20 - may bayanat élan qilip, türkiyede Uyghurlar teripidin ishlitilgenliki ilgiri sürülgen qirghiz pasportlirining emeliyette saxta pasportlar ikenlikini bildürdi.

Radi'oda neqil qilishiche, royxet idarisining bashliqi tayirbék sarpashéw qirghiz pasportlirining rast pasportlargha asasen özgertip ishlen'genlikini éytqan.

17 - May 98 Uyghurning türkiye ataturk ayroportida tosulup qalghanliqi, bularning saxta qirghiz pasporti bilen chégradin ötmekchi bolghanliqi xewer qilin'ghan.

Kéyinki xewerlerge qarighanda, bu kishiler sayahet etkeschilirining aldam xaltisigha chüshken bolup, türkiye bu aldamchiliq délosigha alaqidar 4 ademni qolgha alghan.

Istanbulda tosulup qalghan Uyghurlar shu küni yérim kéchide qoyup bérilgen.

Türkiyening bu charisiz Uyghur hejichilerni qoyup bergenliki muhajirettiki Uyghur jama'itini söyündürgen idi.

Nöwette bu Uyghurlar türk tupriqida waqitliq turuwatqan bolsimu, ularni yene qandaq qismetlerning kütüp turuwatqanliqi hazirche namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.