Qirghizistan hökümiti xitayning 275 milyon dollar qimmitidiki qurulush pilanini bikar qildi

Muxbirimiz irade
2020-02-27
Share

Qirghizistan hökümiti xitayning 275 milyon dollar qimmitidiki qurulush pilanini bikar qilghanliqini jakarlidi.

"Azadliq radiyosi" ning xewirige qarighanda, qirghizistan da'iriliri xitayning bu qurulush meblegh pilanigha qarshi yüz bergen keng kölemlik namayishlar sewebidin yuqiriqidek qarar élishqa mejbur bolghan. 

17-Féwral küni nechche yüzligen kishi qirghizistanning narin rayonidiki atbéshi yézisigha yéqin jayda namayish qilip, hökümettin xitayning qurulush pilanini bikar qilishni telep qilghan. 275 Milyon dollar qimmitidiki bu qurulush pilani eslide bir tayanch baza qurush türi bolup, bu qurulush 2019-yili xitay dölet re'isi shi jinping qirghizistanni ziyaret qilghan mezgilde maqullan'ghan iken.

Shu kündiki namayishta alahezel 2000 etrapidiki namayishchi qollirida "Biz bu tayanch bazilirining qurulushigha qarshi turimiz", "Qirghiz zémini xitaygha bérilmisun" dégendek sho'ar yézilghan lozunkilarni kötürüp, namayish qilip özlirining bu jehettiki meydanining mustehkemlikini, pilan bikar qilinmighuche namayishini dawamlashturidighanliqini bildürgen idi. 

Xewerge qarighanda, qirghiz da'iriliri pilanning bikar qilinish xizmetlirini bashlighan bolup, qirghiz da'iriliri qurulush üchün özlirige aldin bérilgen 645 ming dollarni xitay meblegh salghuchilargha qayturup béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet