Qirim tatarliri öz dahiyisini qirimgha élip kirish üchün rusiye eskerliri bilen toqunushti

2014-05-04
Élxet
Pikir
Share
Print


Qirim tatarlirining milliy rehbiri dep étirap qilin'ghan mustafa jémiléw shenbe küni aptomobil bilen qirimgha kirmekchi bolghanda chégra saqlawatqan rusiye küchlirini uni tosup qoyghan. Uningdin ilgiri jémiléw ayropilan bilen kiyéf shehiridin uchup, moskwa arqiliq qirimdiki sinférépolgha barmaqchi bolghanda arqigha qayturiwétilgen idi. U axiri aptomobil bilen qirimgha bérishni qarar qilghan.

Azadliq radi'osining xewer qilishiche, qirim tatarliridin 5000 etrapida adem uni qarshi élishqa chiqqan bolup, rusiye chégra qoghdighuchiliri jemiléwni ötküzmigendin kéyin qirim tatarliri chégrani buzup ötüp, jemiléwni élip kirishke urun'ghan. Shuning bilen kichik kölemde toqunush kélip chiqip, rusiye terep bronowiklarn ishqa sélip, yolni tosuwalghan. Buning bilen, jemiléw qirimgha kirelmey qalghan.

Yekshenbe küni moskwa teyinligen qirim jumhuriyitining bash teptishi mustafa jemiléwni qarshi élishqa chiqip, rusiye chégra qoghdighuchi'iliri bilen élishqan qirim tatarlirigha jinayet artip sotlashni telep qildi.

Mustafa jemiléwning metbu'atqa ashkarilishiche, türkiye bash ministiri tayip erdoghan prézidénti putin bilen musatafa jemiléwning qirimgha kirishke yol qoyushi heqqide sözlishidighanliqini bildürgen.

Toluq bet