Qirghizistanda prézidént saylimi ötküzüldi

Muxbirimiz ümidwar
2017-10-15
Élxet
Pikir
Share
Print

Yekshenbe küni ottura asiyadiki qirghizistan jumhuriyitide prézidént saylimi ötküzüldi. Texminen üch milyondin artuq adem saylamda bélet tashlishi kérek bolup, qirghizistan saylam komitéti yekshenbe küni kéche sa'et 17 ghiche 41% tin artuq ademning bélet tashlap bolghanliqini élan qilghan. Bu nöwet her xil partiye-guruhlardin 12 kishi prézidént namzati bolup, saylamgha chüshken bolup, bularning ichide soronbay jéyénbékof bilen ömürbék babanofning asasiy riqabetchige aylinidighanliqi jezimleshtürülmekte. Emma kechrek élan qilghan deslepki saylam netijiliride soronbay jéyénbékofning köp béletke ériship üstünlük qazan'ghanliqi élan qilindi.

B b s agéntliqining xewer qilishiche, bu, tunji qétim qirghizistanda hakimiyet tinch yol bilen bashqilargha ötküzüp bérilishi bolup, mezkur saylam köpligen xelq'araliq közetküchilerning diqqitini tartqan we bir qisim xelq'ara teshkilatlar saylam jeryanini nazaret qilishqa qatnashqan.

Qirghizistanning "24.K g" agéntliqining xewer qilishiche, xelq'araliq teshkilatlardin 700 din artuq kishi saylamni nazaret qilghan bolup, hetta bularning ichide shangxey hemkarliq teshkilati, musteqil döletler hemdostluqi qatarliqlarning xadimlirimu bar iken. Qirghizistan hökümiti yene saylam jeryanining tinch we bixeter bolushi üchün 10 mingdin artuq saqchi we 12 ming etrapida özlükidin uyushqan tertip saqlighuchilarni ishqa salghan.

Qirghizistanning musteqilliq tarixida esqer aqayéf, qurmanbék baqiyéf qatarliq prézidéntlar xelq isyanliri arqiliq hoquqtin we dölettin heydiwétilgen idi. 

Igilishimizche, bu qétim qirghizistandiki asasi millet qirghizlardin bashqa yene özbék, Uyghur, tunggan we bashqa milletlermu saylamgha aktip qatnashqan. Bishkek shehiri we uning etrapida yashaydighan Uyghurlarmu özliri xalighan namzatlargha aktip bélet tashlashqa qatnashqan.

Toluq bet