"Jinggangshendiki qizil terbiye" pa'aliyiti Uyghur ösmürlirige kéngeymekte

Muxbirimiz eziz
2019-07-24
Élxet
Pikir
Share
Print

Ötken birnechche yilda Uyghurlar diyaridiki medeniyet-sen'et saheside keng ewj alghan "Jinggangshen'ge bérip qizil terbiye élish" pa'aliyitining nöwette Uyghur ösmürlirige omumlashturulushi kishilerning diqqitini qozghashqa bashlidi.

"Aqtu nahiyelik xelq hökümiti" torining 24-iyuldiki xewiride éytilishiche, aqtu nahiyesidin kelgen 150 neper oqughuchi we oqutquchi jinggangshende alte künlük yazliq lagér pa'aliyitige qatnashqan. Ular bu jayda xitay qizil armiyesining "Qedem izlirini ziyaret qilip, inqilabiy arzu-armanlar bilen tonushqan." qizil armiyening herbiy formisini kiyip tolimu kélengsiz qiyapetke kirip qalghan bu sebiyler xitay kompartiyesi xatire sariyi, qizil muzéy qatarliq jaylarda "Inqilabiy qesem" we "Qurbanlargha tezim" pa'aliyitige teshkillen'gen.

Uyghurlar diyaridin melum bolghan türlük uchurlarda nöwette lagérlargha qamalghanlargha we lagér sirtidiki ishchi-xizmetchilerge "Qizil terbiye" teshwiqatining her künlük mejburiy meshghulat boluwatqanliqi éytilidu. Emdilikte bolsa oqush yéshidiki ösmürlernimu bu siyasiy teshwiqat qaynimigha sörep kirish heqqide söz qilghan analizchilar "Bu xitay hökümitining sépi özidin medeniyet qirghinchiliqi qiliwatqanliqini körsitidu" dédi.

Toluq bet