Qaghiliq ma'aripining toluq "Qizillishi" emelge ashqan

Muxbirimiz eziz
2018-10-18
Élxet
Pikir
Share
Print

Ötken hepte qaghiliq nahiyelik hökümetning tor bétide élan qilin'ghan alaqidar uchurlardin melum bolushiche, nöwette qaghiliq nahiyesi teweside ma'aripni "Qizillashturush" dolquni ewj almaqta iken.

12-Öktebir küni mezkur nahiyede xitay pi'onérlar etriti qurulghanliqining 69 yilliq xatirisi ötküzülgen. Pütün nahiyediki bashlan'ghuch we ottura mektep oqughuchiliri xitay re'isi shi jinpingning "Emeliy herikitimiz arqiliq qizil génni kéyinki ewladlargha yetküzeyli" dégendek inqilabiy sho'arini öginish, shuningdek xitayning dölet bayriqigha sadiq bolidighanliqi heqqide qesem bérish dégendek pa'aliyetlerge teshkillen'gen.

Bu heqte bérilgen alaqidar resimlik melumatlarmu oqughuchilarning pütkül "Öginish" muhitining "Qizilliship bolghan" liqini, mekteplerde Uyghurche ma'aripqa mensup héchqandaq amilning mewjut emeslikini körsetmekte iken.

Uyghur ösmürlerge kichikidin siyasiy terbiye we xitay kompartiyesige sadiq bolushtin bashqa terbiye bermeslik, mektepte Uyghur medeniyitige da'ir mezmun bolmasliqtek bu hal heqqide pikir qilghan dunya Uyghur qurultiyining bayanatchisi dilshat rishit pikir bayan qildi. U "Bu xitay hökümitining Uyghur tilini mekteplerde cheklesh tedbiridin kéyin otturigha chiqqan Uyghurlarni pütünley mangqurtlashturush siyasitining ijra bolushi" dep körsetti.

Xitay hökümitining alaqidar melumatlirida körsitilishiche, qaghiliq nahiyesidiki 500 mingdin ashidighan nopusning 93 pirsentidin köprekini Uyghurlar teshkil qilidiken. Taki yéqinqi mezgillergiche qaghiliq nahiyesi Uyghurlar diyaridiki köp qétimliq qarshiliq heriketliri barliqqa kelgen jay bolup, xitay hökümitining neziride "Diniy esebiy unsurlarning uwisi" dep qaralghan jaylarning biri hésablinidiken.

Toluq bet