Shimaliy koriye jenub bilen bolghan issiq liniye téléfon alaqisini üzüp tashlidi

Muxbirimiz erkin
2013-03-27
Share

Shimaliy koriye jenubiy koriye bilen bolghan issiq liniye téléfon alaqisini üzüp tashlap, "Her waqit urush partlaydighanliqi"ni agahlandurdi. Buning bilen shimal - jenub arisidiki eng axirqi resmi herbiy alaqe liniyisi üzülgen. Bu pyongyangning bu yil féwraldiki yadro siniqigha qarshi chiqarghan b d t imbargosi we amérika - jenubiy koriye birleshme herbiy manéwirigha qayturghan eng yéngi inkasi.

Koriye merkizi axbarat agéntliqi charshenbe küni herbiy da'irilerning sözini neqil keltürüp bergen bu heqtiki xewiride: hazirqi weziyet astida her waqit urush partlishi mumkin. Ikki terep herbiylirini baghlap turidighan shimal - jenub herbiy alaqe liniyisini dawamliq saqlap qélishning héchqandaq zörüriyiti qalmidi, dégen.

Biraq analizchilarning ilgiri sürüshiche, shimaliy koriye amérika we jenubiy koriyege tehdit sélip kéliwatqan bolsimu, biraq uning urush qozghashqa tewekkul qilalishi natayin. Shimaliy koriye ikki kün awwal uzun musapiliq topchi qisimliri we istratégiyilik rakita qisimlirining 1 - derijilik urush halitige ötkenlikini élan qilip, jenubiy koriye, gu'am, haway, amérika quruqluqidiki nishanlargha zerbe béridighanliqini agahlandurghan.

Lékin, amérika dölet mudapi'e ministirliqi seyshenbe küni amérika qisimlirining herqandaq tasadipiliqqa qarshi teyyarliq qilip qoyghanliqini bildürgen. Bu qétimqi amérika - jenubiy koriye birleshme her biy manéwirigha amérika özining B - 52 namliq istratégiyilik bombardimanchi ayrupilanini qatnashturup, pyongyangni herqandaq telwilikke tewekkül qilmasliq heqqide agahlandurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet