Хитайниң «террорлуққа зәрбә бериш» тә қош өлчәм қоллиниши тәнқидләнди

Мухбиримиз әзиз
2017-10-24
Елхәт
Пикир
Share
Принт

Хитайниң йеқинда «террорлуқ вә әсәбийликкә қарши туруш» дегән намда уйғурлар диярида «қуран кәрим» вә җайнамазларни йиғивелиш һәрикити қозғиши хәлқарада зор ғулғула қозғиған иди.

Булар илгирики вақитларда иҗра қилинишқа башлиған сақал-бурутни мәни қилиш, «тәрбийәләш мәркәзлири» тәсис қилиш қатарлиқларниң давами сүпитидә хитай һөкүмитиниң «террорлуққа зәрбә бериши» дики чарилардин, дәп қариливатқанлиқи мәлум.

Канададики мәкгил университети оқуғучилириниң нәшр әпкари болған «мәкгил хәлқараға нәзәр» журнилиниң 23-өктәбирдики саниға бесилған «хитайниң террорлуққа қарши туруштики қош бислиқ шәмшири» намлиқ мақалида хитай һөкүмитиниң «террорлуққа қарши туруш» намида уйғурларниң кишилик һоқуқлирини аяқ-асти қилиши мәхсус муһакимә қилинған. Мақалида нуқтилиқ қилип хитай һөкүмитиниң өзлирини «террорлуқниң қурбанлири» дәвелиш арқилиқ «үч хил күч» ләргә зәрбә беришни изчил давам қиливатқанлиқи, нәтиҗидә бу «қош бислиқ шәмшәр» дин пайдилинип, уйғурларни бастуруш һәрикитини давам әттүриватқанлиқи муһакимә қилинған.

Мақалида ейтилишичә, хитай һөкүмити ейтиватқан «террорлуқ» һәрикәтлириниң тәбири хәлқарадики «террорлуқ» ниң тәбиридин зор дәриҗидә пәрқлинидикән. Хитай һөкүмити «террорлуқ» дәп атаватқан һәрикәтләр әмәлийәттә уйғурларниң қанунлуқ тәләплири болуп, хәлқара дуняниң хитай билән террорлуқ һәққидә һәмкарлишиши маһийәттә уйғурларниң йоллуқ тәләплирини бастурушқа ярдәм бериштин башқа нәрсә әмәс икән.

Пикирләр (0)
Share
Толуқ бәт