Xitayning “Térrorluqqa zerbe bérish” te qosh ölchem qollinishi tenqidlendi

Muxbirimiz eziz
2017-10-24
Share

Xitayning yéqinda “Térrorluq we esebiylikke qarshi turush” dégen namda Uyghurlar diyarida “Qur'an kerim” we jaynamazlarni yighiwélish herikiti qozghishi xelq'arada zor ghulghula qozghighan idi.

Bular ilgiriki waqitlarda ijra qilinishqa bashlighan saqal-burutni men'i qilish, “Terbiyelesh merkezliri” tesis qilish qatarliqlarning dawami süpitide xitay hökümitining “Térrorluqqa zerbe bérishi” diki charilardin, dep qariliwatqanliqi melum.

Kanadadiki mekgil uniwérsitéti oqughuchilirining neshr epkari bolghan “Mekgil xelq'aragha nezer” zhurnilining 23-öktebirdiki sanigha bésilghan “Xitayning térrorluqqa qarshi turushtiki qosh bisliq shemshiri” namliq maqalida xitay hökümitining “Térrorluqqa qarshi turush” namida Uyghurlarning kishilik hoquqlirini ayaq-asti qilishi mexsus muhakime qilin'ghan. Maqalida nuqtiliq qilip xitay hökümitining özlirini “Térrorluqning qurbanliri” dewélish arqiliq “Üch xil küch” lerge zerbe bérishni izchil dawam qiliwatqanliqi, netijide bu “Qosh bisliq shemsher” din paydilinip, Uyghurlarni basturush herikitini dawam ettüriwatqanliqi muhakime qilin'ghan.

Maqalida éytilishiche, xitay hökümiti éytiwatqan “Térrorluq” heriketlirining tebiri xelq'aradiki “Térrorluq” ning tebiridin zor derijide perqlinidiken. Xitay hökümiti “Térrorluq” dep atawatqan heriketler emeliyette Uyghurlarning qanunluq telepliri bolup, xelq'ara dunyaning xitay bilen térrorluq heqqide hemkarlishishi mahiyette Uyghurlarning yolluq teleplirini basturushqa yardem bérishtin bashqa nerse emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet