Uyghur élida xitay tili boyiche terbiyilesh kücheytilmekte

Muxbirimiz ümidwar
2015-05-07
Share

2013-Yili xitay Uyghur élining jenubidiki qeshqer, aqsu, xoten we qizilsu hem shimaldiki ili qazaq oblasti qatarliq wilayet we oblastlar tewesidiki 27 nahiye, sheherde 35 xitay tilida terbiyilesh ponkiti qurup, xitay tili ögitish élip barghan.

"Shinjang iqtisad géziti"ning bu heqtiki xewiride éytilishiche, xitay tili ögitishtiki meqset "Az sanliq millet emgekchilirining téz we téximu yaxshi kespiy qabiliyet igilep, ishqa orunlishishini ishqa ashurushqa yardem bérish" iken.

Xitay metbu'atining körsitishiche, mundaq "Dölet ortaq ishlitidighan til" yeni xitay tili bilen terbiyileshke qatnashqanlarning ishqa orunlishish nisbiti 78% ke yetken.

Xitayning mezkur xitay tili bilen terbiyilesh programmisi mexsus 18 yashtin 35 yashqiche bolghan Uyghur yashlirini nishan qilghan iken. Mezkur programma til terbiyisi we kespiy terbiye dep ikki basquchqa ayrilghan.

Xewerde éniq qilip xitay tili bilgende ishqa orunlishish imkaniyiti bolidighanliqi tekitlen'gen.

Melum bolushiche, Uyghur élida qosh til, yeni xitay tilini asas qilghan ma'arip téz omumlashturuluwatqan bolup, nöwette xitay tilida oqutush yeslilergimu téz sürette omumlashturulmaqta.

Chet'ellerdiki Uyghur közetküchilirining qarishiche, Uyghur tiligha eslide xitay hökümiti teripidin Uyghur aptonom rayonining hökümet, ma'arip we bashqa hemme ishlirida ishlitish salahiyiti bérilgen idi. Emma, mezkur salahiyet hazir buzup tashlanmaqta. Uyghurlar Uyghur élidiki, bolupmu jenubiy Uyghur élidiki nopusning mutleq köp qismini igiligen bolushigha qarimay, ish orunlirining köp qismi xitaylar teripidin igilinip, Uyghurlargha xitay tili bilish sherti qoyulmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.