"Yéza qosh til yesli" lirining sani köpeytilmekte

Muxbirimiz irade
2017-08-31
Share

Uyghur aptonom rayon da'iriliri Uyghur élining jenubidiki yézilarda qosh til yesli qurulushini téz sür'et bilen omumlashturush üchün "Sélishqa tégishlikini choqum sélish", "Yeslige kirishke tégishliki choqum yeslige kirish" dep atalghan bir nishan boyiche heriket qilmaqta.

Bügün xelq torida bérilgen xewerdin qarighanda, bu nishan'gha asasen 9-ayda 1 milyon 128 ming 900 ming neper balining "Qosh til" yesliliri dep atiliwatqan, emma xitay tili asas qilin'ghan yeslilerge kirishi ishqa ashurulidiken. Buningdin sirt, Uyghur éli da'iriliri bu yil béshida belgilen'gen jenubtiki yézilarda 4387 yéngi qosh til yesli qurup chiqish pilaninimu emeldin ashurup orundap, jem'iy 4408 yeslini yéngi oqush mewsumi üchün püttürüp bolghan.

Uyghur éli da'irilirining Uyghur élining jenubidiki Uyghurlar merkezlik olturaqlashqan 3 wilayet, bir oblastni asas qilghan halda yéza qosh til yeslilirini bundaq küchep omumlashturushi Uyghur közetküchilerning qattiq diqqitini qozghighan idi. Ular, xitay tili we medeniyitini ögitishni asas qiliwatqan bu atalmish qosh til yeslilirining Uyghurlarni kichikidin tartipla assimilyatsiye qilishni meqset qilghanliqini ilgiri sürüshmekte.

Melum bolushiche, Uyghur rayon da'iriliri "13 Besh yilliq pilan" gha asasen yézilardiki "Qosh til yesli" qurulushini yene dawamliq élip baridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.