Хитай даирилири уйғур диярида “қошмақ туғқан” вә “исламни хитайлаштуруш” ниң техиму чоңқурлаштурулидиғанлиқини билдүрди
Хитай даирилири үрүмчидә йиғин өткүзүп, буниңдин кейин уйғур диярида йолға қойидиған сиясәтлирини орунлаштурған. Мәлум болушичә, даириләр уйғур диярида “қошмақ туғқан” сияситини техиму чоңқурлаштуруп, исламни хитайлаштурушни давамлиқ иҗра қилидикән. Бу сиясәт уйғур аптоном районлуқ парткомниң 9-вә 10-өктәбир күнлири чақирилған 13-нөвәтлик омумий йиғинида орунлаштурулған. Бу нөвәтлик йиғин хитай компартийәсиниң баш секретари ши җинпиңниң “шинҗаң хизмити сөһбәт йиғини” да сөзлигән сөзиниң роһини қандақ иҗра қилишни нуқтилиқ тема қилған.
Ши җинпиң өткән айниң ахирлирида ечилған “шинҗаң хизмити сөһбәт йиғини” да хитайниң хәлқарада “ирқий қирғинчилиқ” дәп әйиблиниватқан “шинҗаң сиясити” ниң пүтүнләй тоғра икәнлики, униң давамлиқ иҗра қилинидиғанлиқини елан қилған иди. “шинҗаң гезити” ниң хәвәр қилишичә, йиғинда чен чүәнго ши җинпиңниң сөзини иҗра қилишниң 9 нуқтилиқ тәдбирини оттуриға қойған.
У “бирләшмә муштни яхши етишни, җуңхуа миллити ортақ идийәсини турғузуш” ни, “милләтләр иттипақлиқи” “бир туғқан” вә “достлуқ паалийәтлири” ни техиму чоңқурлаштурушни, “шинҗаңда исламни хитайластуруш” йолида чиң туруп, шәһәрләштүрүш вә ишқа орунлаштурушни актип иҗра қилишни, биңтуәниниң ролини техиму яхши җари қилдуруп, униң җәнубқа кеңийишини алға сүрүшни тәкитлигән.
Анализчиларниң илгири сүрүшичә, хитайниң “шинҗаң сиясити” ни давамлаштурушни қарар қилиши американиң җазалишидин әндишигә чүшкән райондики хитай әмәлдарлириға вә көчмәнлиригә илһам беришни мәқсәт қилмақта икән.
- Шивет миссийонерлириниң шәрқий түркистандин айрилиши
- Йүзләрчә уйғурлар җәнвәдики б д т бинаси алдида намайиш елип барди
- “қәшқәр конашәһәр һөҗҗити” уйғурларға қаритилған тутқунниң көлимини йәнә бир қетим ашкарилиди
- Әнқәрәдә “уйғур ирқий қирғинчилиқи вә уйғур мәдәнийити” темисида көргәзмә ечилди
- Или педагогика университетиниң оқутқучиси дилмурат авутниң “дөләт тилини көзгә илмаслиқ” билән әйиблинип кесиветилгәнлики ашкариланди
