Uyghur diyarida siyasiy teshwiqatlar mektep we yeslilergiche emeliyleshtürülmekte

Muxbirimiz irade
2017-01-19
Share

Tengritagh tori we bir qisim yerlik hökümet tor betliride bérilgen xewerlerdin melum bolushiche, hazir Uyghur élide keng kölemde ijra qiliniwatqan "Milletler ittipaqliqi, qoshmaqliship tughqan bolush siyasiti" qatarliq bir qatar heriketliri ösmür balilarghimu oxshash emeliyleshtürülgen.

Mesilen, yéqinda qumul wilayiti xénen ölkisi bilen birliship "Ming mektepning qolni qolgha tutushush, dostlishish qishliq lagér pa'aliyiti" qilghan. Bu heqtiki xewerde, "Xénen we qumul ikki jaydin kelgen yüzdin artuq yash-ösmürler öz'ara tughqanliship, dostluq we chüshinishni téximu chongqurlashturdi" déyilgen.

Uyghur aptonom rayon da'iriliri yene ürümchi, sanji, shixenze we qaramay qatarliq jaylarda her millet oqughuchilirini lagérgha teshkillesh arqiliq ulargha "Sotsiyalistik junggoni söyüsh", "Milletler ittipaqliqi terbiyisi" bergen.

Chet'ellerdiki Uyghur weziyet közetküchiliri "Qosh til ma'aripi" astida kichik yéshidila yat bir tilda sözleshke mejburliniwatqan Uyghur balilirining buni az dep, yene ménge yuyush herikitining nishanigha aylandurulushini"ni tenqid qilmaqta.

Téxi ötken ayda xoten nahiyisining baghche yézisidiki bashlan'ghuch mektep baliliri sabiq xitay kompartiye dahiysi maw zédung ölgenlikining 123 yilliqi munasiwiti bilen uning ish-izlirini öginish, partiyidin minnetdar bolup, milletler ittipaqliqini qoghdash pa'aliyitige orunlashturulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.